В петок (13 септември) во МКЦ во 20:30 часот ќе биде отворена најновата изложба на Сергеј Дамовски „Динамогени”.
Насловот на оваа изложба „Динамогени“ упатува на оние кои раѓаат или произведуваат сила, енергија, оние кои делуваат со сопствена внатрешна животна сила.
Изложбата се состои од 11 платна работени во маслена и акрилна техника – триптихот „Динамо“, диптихот „Динамогени“, „Жив“, „Мртов“, „Лунари“, „Изгорени“,„Сува“ и „Ѕвездена“.