Вечерва (12 Јуни,) во Културно-информативниот Центар на Р. Македонија во Софија се отвори изложба на графики од Бајрам Џелили.
Ликовниот уметник Џелили е роден во Гостивар, дипломира на Академијата за ликовни уметности во Сараево-Отсек графика, а во 2010 година магистрира на Факултетот за ликовни уметности во Скопје, исто така во областа на графиката. Учесник е на бројни домашни и меѓународни ликовни изложби, меѓу кои и со самостојни изложби во Париз и Њујорк и на неколку групни изложби на графика во Јапонија, Полска, Босна и Херцеговина.
Изложбата на Бајрам Џелили, што вечерва ја отвори директорот на Културно-информативниот Центар на Р. Македонија во Софија, Васко Шутаров,ќе биде отворена до средината на следниот месец.
Проектот е поддржан од Министерството за култура на Р. Македонија.