Денеска и утре (24-ти и 25-ти мај), на локацијата на водениот “Аква Парк“ во Пробиштип ќе се одржи првото издание на музичкиот фестивал Аква парк фест ) како open-air издание на јубилејното петнаесетто издание на Таксират Фестивал.
Со Аква Парк Фест воедно ќе биде означен и стартот на новата сезона на првиот и единствен воден парк во Македонија.
На Аква Парк Фест посетителите ќе имаат можност да ги проследат своите омилени музички бендови, диџеи и новите надежни демо-бендови кои допрва ги чека музичка слава, како и можност да се забавуваат во природа и со различните водени атракции на Аква Паркот.
Во музичкиот дел од програма ќе настапат Paul van duk, Кирил Џајковски, Mark Knight, Sunnery James & Ryan Marciano, Суперхикс, Фолтин, Bernays Propaganda, S.A.R.S., Smut, Foolish Green, Conquering Lion, Сашко Костов & TWW, Iceberg & Lephonq, Flooder, Rootboy, Цобе & Стефано, New Sound Band, Ghetto Rudi, Branchez, No End, Прв Ред, Skullcrush, Skyrise и Anna O.