Во организација на Министерството за надворешни работи, во Охрид се одржува вториот Летен камп “Ја сакам Македонија. На учествуваат вкупно 35 ученици, припадници на македонското национално малцинство во Србија, Албанија, Косово и во Бугарија.
На програмата на Летниот камп кој ќе трае одо 25 август наставата по македонски јазик, македонска култура и историја ја држат предавачи од Филолошкиот факултет при Универзитетот „Гоце Делчев” во Штип.
За улогата и значењето на мајчиниот јазик во одржувањето на личниот, националниот и културниот идентитет пред учесниците на Летниот камп предавање ќе одржи и министерот за надворешни работи Никола Попоски.
Предвидено е учесниците на Летниот камп да ги посетат: Музејот на вода – залив на коски во месноста Градиште, манастирскиот комплекс Св. Наум Охридски, како и Самуиловата тврдина, црквата “Св. Пантелејмон” на Плаошник и Куќата на Робевци во Охрид.
Согласно програмата за работа на Министерството за надворешни работи, предвидено е следната година Летниот камп – 2014 да биде надополнет со ученици Македонци од дијаспората.
извор: Курир