Влатко Стефановски, Супер Хикс, Харе Гуру бенд и уште многу други ќе бидe дел од музичката програма на Веро Рифреш фестивалот кој ќе се одржи од 4-ти до 7-ми јули.
Од 4-ти до 7-ми јули на отворениот паркинг простор на Веро центарот ќе се случи вистинско разладување за целиот град. За првпат годинава се организира Веро Рифреш фестивалот кој ќе понуди одлична музичка програма, освежување со многу мезе и ледени пијалаци, вкусен сладолед, сочна скара и ладно пиво.
Четирите фестивалски денови ќе започнуваат од 18:00 часот, па ќе траат се до 01:00 часот по полноќ. Покрај вкусното мени организаторите најавуваат и одлична музичка програма: Супер Хикс, Влатко Стефановски , Харе Гуру бенд, Филип трио џез, Зад Аголот, Крос Роуд, Лабаво лабаво, голем број на наши домашни Ди Џеи и уште многу други.
„Топлите летни денови во Скопје ни беа главната инспирација за да го направиме овој хедонистички четиридневен фестивал, кој се надевам ќе прерасне следните години и во традиција. Го нарековме „Рифреш фестивал“ бидејќи целта ни е да ги разладиме посетителите и на едно место да им понудиме освежително и вкусно мени зачинето со одлични музички бендови и Ди Џеи“, изјави Костас Теодосијадис, генерален директор на „Веро“ супермаркетите.
Влезот за сите посетители е слободен.