По паузата за летните одмори клубот Сектор 909 го започнува вториот дел на летната сезона со нови забави и концерти. Во четврток популарните српски рапери Bad Copy ќе го промовираат својот нов албум насловен како “Кригле”.
Бед Копи е хип хоп состав од Белград кој настанува во 1996та година чии денешни членови се Ајс Нигрутин, Тимбе и Скај Виклер. Зад себе имаат три студиски албуми “Орбод Мебеј” од 1996 година, “Све Сами Хедови” од 2003та година и “Најгори До Сада” од 2006 година. “Кригле” е нивни четврти албум и според многумина еден од најдобрите досега.Заедно со Bad Copy ќе настапи и диџеј Гоце [САФ], стартот е на полноќ а влезницата е 200 денари.
Во петок пак гостуваат две светски познати имиња од хаус сцената, Sonny Fodera од Австралија и Gramophonedzie од Србија. Sonny Fodera e веќе легенда на чикаго џекин хаус сцената. Извонреден диџеј и уште подобар продуцент чија музика може да се чуе во сетовите на сите квалитетни диџеи. Има изданија за огромни издавачки куќи како Defected, Faris Wheel, Guesthouse, Cajual и многу други. Ова ќе биде негово прво гостување во Македонија.
Марко Gramophonedzie е веќе добро познат на македонската публика, диџеј и продуцент од соседна Србија кој неколку пати настапувал кај нас а минатото лето имаше одлична журка во Сектор 909. Својата слава ја стекна со хитот Why Don’t You во 2010та година и од тогаш непрекинато го обиколува светот презентирајќки го својот звук.
Музичката комбинација на овие двајца диџеи ветува одлична хаус забава која одамна му се нема случено на Скопје. Забавата започнува на полноќа а влезницата е 250 денари.