Промоција на серија концерти во продукција на План Б продукција и Јованов рекордс, се одржа денес, во Бизнис салата на Скопски саем.
Прес – конференција на која тимот на План Б продукција ги претстави сите детали пред новинарите за претстојните три спектакуларни концерти во нивна организација. Концертот на Влатко Илиевски, концертот на Архангел и Scream Music Festival е она што привлече внимание кај младите, па уште неколку недели пред главните случувања владее голем интерес за карти. Главни покровители на настаните се T – Home, T – Mobile и Киа Моторс.
Организаторите главен акцент ставија на концертот на нивниот ексклузивец Влатко Илиевски кој ќе се одржи на 14 февруари – на денот на вљубените, во Универзална сала. Целта на овој концерт е да се спојат убавата музика и љубовта во едно, бидејќи како што многумина велат “убавата музика е лек за душата.”
Она што Влатко го откри за читателите на cOoLTuRa.mk е дека на сцената во Универзална сала со него ќе настапат и Миле Кузмановски и Трифун Костовски со кои ќе отпее неколку стари македонски хитови, како и Антонија Шола и Александар Белов.
– На сцената ќе ме придружуваат голем бенд и гудачки квартет со кој на присутните ќе им понудиме концерт во интимно – романтична љубовна атмосфера – изјави Влатко Илиевски.
Два дена пред тоа , на 12 февруари ќе се одржи и концертот на Архангел каде после 7 години ќе го видиме целиот состав повторни пред Македонската публика. Главни гости ќе бидат битолскиот состав Фолтин со шеесет минутен настап.
Оваа концертна програма на План Б продукција и Јованов Рекордс ќе ја затвори Scream Music Festival кој за прв пат ќе се одржи во Македонија и има тенденција да прерасне во традиција. На 18 февруари Метрополис Арена ќе биде место за сите обожаватели на најдобрите балкански рок состави Дивље Јагоде, Ван Гог, Прљаво Казалиште , Негатив и Bei The Fish.
Картите се веќе пуштени во продажба по цена од:
– 400 денари за концертот на Влатко Илиевски
– 500 и 600 денари за концертот на Архангел
– 600 и 800 денари за Scream Music Festival
а може да се набават во Југотон, Литиум 1, Литиум 2, цвеќара Розе Веро 2.
Х. Панева