„Одење по вода“, нова книга од Славе Ѓорѓо Димоски издадена на српски

Деновиве во издание на Уметничката академија ИСТОК од Књажевац излезе од печат „Одење по вода“ („Ходање по води“) од македонски поет Славе Ѓорѓо Димоски.

Книгата содржи осумдесетина песни, а на српски ги преведе поетот Радослав Вучковиќ.  Ова е петта книга на Ѓорѓо Димоски објавена во Србија.

Во книгата поместен е пообемен есеј од Душан Стоковиќ, кој дава свое видување за поезијата на Димоски.

– Основна слика на целата поезија на поетот на нијанси Славе Ѓорѓо Димоски би можела да се именува како кутија во кутијаНишто во неговата поезија не може да се чита и толкува на „прва топка“. Под видливите слики се кријат внатрешни, соновидни. Постојано освојувајќи го треперливиот меѓупростор, поетот ја брише секоја граница, која би ги омеѓувала надворешната внатрешност и внатрешната надворешност, меѓу другото ќе напише Стојковиќ.

Поезијата на Димоски е преведена на над триесет јазици. За неговата поезија напишана е една есеистичка книга, а во Италија одбранет е магистерски труд.

You May Also Like