Од 19 до 28 септември во кината во Загреб и Сплит ќе можат да се гледаат македонски филмски остварувања.
Во загрепското кино Тушканац и во сплитската кинотека „Златна врата“ на публиката ќе и’ бидат претставени наградувани македонски анимирани и долгометражни играни филмови од 70-те и 80-те години на минатиот век, кои ја обележаа македонската кинематографија.
Деновите на македонската кинотека во Хрватска се резултат на долгогодишната соработка на хрватската и македонската кинотека.
